ترجمہ و تفسیر — سورۃ النبأ (78) — آیت 14

(آیت 14تا16) {وَ اَنْزَلْنَا مِنَ الْمُعْصِرٰتِ مَآءً ثَجَّاجًا …: ” الْمُعْصِرٰتِ “} وہ بادل جو پانی سے بھرے ہوئے ہوں۔ {”ثَجٌّ“} شدت اور کثرت سے بہنا یا بہانا۔ یہ لازم و متعدی دونوں معنوں میں آتا ہے۔ {” ثَجَّاجًا “} کثرت سے برسنے والا۔ {” اَلْفَافًا “} ابوعبیدہ نے فرمایا: ”یہ {” لَفِيْفٌ “ } کی جمع ہے، جیسا کہ {”شَرِيْفٌ“} کی جمع {”أَشرَافٌ“} ہے۔“ (المراغی) اس کا معنی ہے گھنے، ایک دوسرے سے لپٹے ہوئے، جن میں کوئی فاصلہ نہیں۔

14۔ 1 مُعْصِرَات، ُ وہ بدلیاں جو پانی سے بھری ہوئی ہوں لیکن ابھی برسی نہ ہوں جیسے اَلْمَرْاَۃُ الْمُعْتَصِرَۃُ اس عورت کو کہتے ہیں جس کی ماہواری قریب ہو ثَجَّاجًا کثرت سے بہنے والا پانی۔

اس آیت کی تفسیر اگلی آیات کیساتھ ملاحظہ کریں۔