(آیت 56) ➊ { اَنْتَقُوْلَنَفْسٌيّٰحَسْرَتٰى …: ”اَنْ“} سے مراد {”لِئَلَّا“} ہے، جیسا کہ سورۂ نحل کی آیت (۱۵) میں ہے: «وَاَلْقٰىفِيالْاَرْضِرَوَاسِيَاَنْتَمِيْدَبِكُمْ» {”أَيْلِئَلَّاتَمِيْدَبِكُمْ“} ”اور اس نے زمین میں پہاڑ گاڑ دیے، تاکہ وہ تمھیں ہلا نہ دے۔“ {”يٰحَسْرَتٰى“} اصل میں {”حَسْرَةٌ“} یائے متکلم کی طرف مضاف ہے، جسے ”الف“ میں بدل دیا ہے۔ حسرت شدید پشیمانی اور افسوس کو کہتے ہیں، ہائے میرا افسوس! {”فَرَّطْتُّ“”فَرَّطَيُفَرِّطُتَفْرِيْطًا“} کوتاہی کرنا اور {”أَفْرَطَيُفْرِطُإِفْرَاطًا“} زیادتی کرنا۔ یعنی ایسا نہ ہو کہ اس وقت کوئی شخص یہ کہے کہ ہائے میرا افسوس! میری اس کوتاہی اور نافرمانی پر جو میں ساری کائنات کے خالق و مالک اللہ تعالیٰ کی جناب میں اس کے سامنے کرتا رہا، جو کسی چیز سے بے خبر نہیں۔ ➋ { وَاِنْكُنْتُلَمِنَالسّٰخِرِيْنَ: ”اِنْ“} اصل میں {”إِنِّيْ“} ہے۔ {”إِنَّ“} کے نون کو ساکن اور اس کے اسم ”یائے متکلم“ کو حذف کر دیا۔ دلیل اس کی {”لَمِنَالسّٰخِرِيْنَ“} پر آنے والا لام ہے، اور بے شک میں تو مذاق کرنے والوں سے تھا۔ یعنی افسوس! میں نے صرف نافرمانی پر اکتفا نہیں کیا بلکہ دوسروں کے ساتھ مل کر مذاق اڑانے میں بھی شریک رہا۔ ظاہر ہے اجتماعی طور پر مذاق اڑانے میں اللہ اور اس کے رسول صلی اللہ علیہ وسلم کی اور زیادہ مخالفت ہے۔ اس آیت سے بھی واضح ہے کہ {”قُلْيٰعِبَادِيَالَّذِيْنَاَسْرَفُوْا“} سے لے کر سلسلہ کلام کفار کے متعلق ہے، کیونکہ اللہ تعالیٰ، اس کے رسول اور قیامت کا مذاق وہی اُڑاتے ہیں۔ مومن کیسا بھی بدعمل ہو اس کا ایمان اسے مذاق اُڑانے کی اجازت نہیں دیتا۔
تفسیر احسن البیان از حافظ صلاح الدین یوسف
56۔ 1 فِیجَنْباللّٰہِ کا مطلب، اللہ کی اطاعت یعنی قرآن اور اس پر عمل کرنے میں کوتاہی ہے۔ جَنْب کے معنی قرب اور جوار کے ہیں۔ یعنی اللہ کا قرب اور اس کا جوار (یعنی جنت) طلب کرنے میں کوتاہی کی۔
تيسير القرآن از مولانا عبدالرحمن کیلانی
56۔ (کہیں ایسا نہ ہو کہ اس وقت) کوئی کہنے لگے:“ افسوس میری اس کوتاہی پر جو میں [74] اللہ کے حق میں کرتا رہا اور میں تو مذاق اڑانے والوں میں سے تھا
[74] یعنی میں نے اللہ کے احکام کے مقابلہ میں اپنے آباء کی تقلید کو ترجیح دی۔ اللہ کے حقوق دوسروں کو دیتا رہا۔ اللہ کے بجائے دوسروں کو پکارتا اور ان کی عبادت کرتا رہا۔ اللہ کے دین کی راہ میں رکاوٹیں کھڑی کرتا رہا اور اللہ کی آیات اور اس کی وعید کا مذاق اڑاتا رہا۔ اور ان چیزوں کی کوئی حقیقت ہی نہ سمجھی۔ کاش! میں ایسے ایسے کام نہ کرتا جس کے نتیجہ میں مجھے آج یہ برا وقت دیکھنا پڑا۔
تفسیر ابن کثیر مع تخریج و تحکیم
اس آیت کی تفسیر اگلی آیات کیساتھ ملاحظہ کریں۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
