ترجمہ و تفسیر — سورۃ الصافات (37) — آیت 33

(آیت 33){ فَاِنَّهُمْ يَوْمَىِٕذٍ فِي الْعَذَابِ مُشْتَرِكُوْنَ:} یعنی پیروی کرنے والے بھی اور پیشوا بھی، گمراہ ہونے والے بھی اور گمراہ کرنے والے بھی، سب اپنی اپنی گمراہی کے مطابق عذاب میں شریک ہوں گے، جیسے گمراہی میں شریک تھے۔ کسی کا کوئی عذر قبول کر کے اسے معافی نہیں دی جائے گی۔

33۔ 1 اس لئے کہ ان کا جرم بھی مشترکہ ہے مشرک اور شر و فساد ان سب کا وطیرہ تھا۔

اس آیت کی تفسیر اگلی آیات کیساتھ ملاحظہ کریں۔

اللہ تعالیٰ نے فرمایا: ﴿فَاِنَّهُمْ یَوْمَىِٕذٍ ﴾ ”پس وہ اس روز“یعنی قیامت کے روز ﴿فِی الْعَذَابِ مُشْتَرِكُوْنَ ﴾ ”عذاب میں ایک دوسرے کے شریک ہوں گے۔“ اگرچہ جرم کے مطابق، عذاب کی مقدار میں فرق ہوگا۔ وہ جہنم کا عذاب بھگتنے میں اسی طرح شریک ہوں گے جس طرح وہ دنیا میں کفر کرنے میں ایک دوسرے کے شریک تھے۔ ﴿اِنَّا كَذٰلِكَ نَفْعَلُ بِالْمُجْرِمِیْنَ ﴾ ”بے شک ہم مجرموں کو اسی طرح سزا دیا کرتے ہیں۔“