السنن المأثورة

➊ بارش سردی کی وجہ سے باجماعت نماز سے رخصت حاصل ہے، آئمہ محدثین امام ابو داؤد رحمہ اللہ، امام نسائی رحمہ اللہ وغیرہ نے «أَلَا صَلُّوا فِي الرِّحَالِ» کے الفاظ سے یہی استدلال کیا ہے، بارش میں نمازیں جمع کرانے کی بجائے یہ اعلان بھی کیا جا سکتا ہے کہ گھر میں ہی ادا کر لو۔
➋ سیدنا عبداللہ بن عمر رضی اللہ عنہما نے مقام ضجنان جو ایک پہاڑی کا نام ہے مکہ سے ایک منزل دور ہے اس مقام پر اذان دے کر یہ حدیث بیان کی۔ [صحیح بخاری: 632]
➌ «أَلَا صَلُّوا فِي الرِّحَالِ» کے الفاظ «حي على الصلاة» اور «حي على الفلاح» کی جگہ دو دو دفعہ پڑھے جا سکتے ہیں یا اذان کے بعد ان الفاظ سے اعلان کیا جا سکتا ہے جیسا کہ حدیث کا ظاہر اس بات پر دلالت کرتا ہے واللہ اعلم۔