السنن المأثورة

➊ مویشیوں میں سے صرف اونٹ، گائے اور بھیڑ، بکریوں پر زکاۃ واجب ہے۔ گھوڑوں کی زکاۃ سے متعلق اگرچہ اہل علم رحمہ اللہ میں اختلاف ہے تاہم راجح بات یہی ہے کہ ان میں زکاۃ فرض نہیں ہے۔
➋ حدیث میں مذکورہ غلام سے مراد ذاتی خدمت کے لیے رکھا گیا غلام جبکہ گھوڑے سے مراد ذاتی سواری کا گھوڑا ہے۔
➌ اگر غلام اور گھوڑا تجارت کی غرض سے ہوں تو ان پر مال تجارت ہونے کی وجہ سے زکاۃ ہوگی۔
➍ کتاب و سنت میں صدقہ کا کلمہ نفلی صدقہ اور فرضی زکاۃ کے معنی میں مستعمل ہے۔ یہاں احادیث میں صدقہ بمعنی فرضی زکاۃ ہے۔