سنن سعید بن منصور

عبد اللہ بن شداد رحمہ اللہ نے فرمایا: اللہ عزوجل کے اس فرمان ﴿أَلَا إِنَّهُمْ يَثْنُونَ صُدُورَهُمْ لِيَسْتَخْفُوا مِنْهُ﴾ یعنی سنو! وہ اپنے سینوں کو دُہرا کرتے ہیں تاکہ اللہ سے چھپ جائیں کے بارے میں فرمایا: ان میں سے جب کوئی رسول اللہ صلی اللہ علیہ وسلم کے پاس سے گزرتا تو اپنا سینہ سکوڑ لیتا اور اپنے کپڑے سے اپنے آپ کو ڈھانپ لیتا تاکہ نبی صلی اللہ علیہ وسلم اسے نہ دیکھ لیں۔

سیدنا ابن عباس رضی اللہ عنہما اور مجاہد رحمہ اللہ دونوں اس آیت کو یوں پڑھتے تھے: «أَلَا إِنَّهُمْ يَثْنُونَ صُدُورَهُمْ لِيَسْتَخْفُوا مِنْهُ أَلَا حِينَ يَسْتَغْشُونَ» یعنی سنو! وہ اپنے سینوں کو دُہرا کرتے ہیں تاکہ اللہ سے چھپ جائیں، خبردار! جب وہ اپنے کپڑے اوڑھتے ہیں۔