سلسله احاديث صحيحه

سیدنا خزیمہ بن ثابت رضی اللہ عنہ سے روایت ہے ، رسول اللہ صلی اللہ علیہ وسلم نے فرمایا : ”مظلوم کی بددعا سے بچو ، کیونکہ اسے بادلوں پر اٹھا لیا جاتا ہے ( ‏‏‏‏یعنی فوراً قبول ہو جاتی ہے ) ۔ اللہ تعالیٰ کہتے ہیں : میری عزت کی قسم اور میرے جلال کی قسم ! میں تیری مدد ضرور کروں گا ، اگرچہ کچھ وقت کے بعد کروں ۔“

سیدنا عبداللہ بن عمر رضی اللہ عنہما کہتے ہیں : رسول اللہ صلی اللہ علیہ وسلم نے فرمایا : مظلوم کی بددعا سے بچو ، یہ چنگاریوں کی طرح آسمان کی طرف اٹھتی ہے ۔“

سیدنا انس بن مالک رضی اللہ عنہ سے روایت ہے ، نبی کریم صلی اللہ علیہ وسلم نے فرمایا : مظلوم ، اگرچہ وہ کافر ہو ، کی بدعا سے بچو ، کیونکہ اس کے سامنے کوئی پردہ حائل نہیں ہوتا ۔“