صحیح ابن حبان

سیدنا ابوہریرہ رضی اللہ عنہ بیان کرتے ہیں: ایک کافر نبی اکرم صلی اللہ علیہ وسلم کے ہاں مہمان کے طور پر آیا۔ نبی اکرم صلی اللہ علیہ وسلم کے حکم کے تحت اس کے لئے بکری کا دودھ دوہ لیا گیا۔ اس نے اس کا دودھ پی لیا پھر دوسری بکری کا دودھ دوہ لیا گیا تو اس نے وہ بھی پی لیا پھر ایک اور کا دھو لیا گیا۔ اس نے وہ بھی پی لیا یہاں تک کہ اس نے سات بکریوں کا دودھ پی لیا۔ اگلے دن وہ مسلمان ہو گیا۔ نبی اکرم صلی اللہ علیہ وسلم کے حکم کے تحت اس کے لئے بکری کا دودھ دوہ لیا گیا تو اس نے اسے پی لیا پھر نبی اکرم صلی اللہ علیہ وسلم کے حکم کے تحت دوسری بکری کا دودھ دوہ لیا گیا تو وہ اسے مکمل طور پر نہیں پی سکا۔ نبی اکرم صلی اللہ علیہ وسلم نے ارشاد فرمایا: ” بیشک مومن ایک آنت میں پیتا ہے اور کافر سات آنتوں میں پیتا ہے۔ “