صحیح ابن حبان

سیدنا ابوہریرہ رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا: ” پہلے (زمانے میں) ایک تاجر تھا جو لوگوں کو قرض دیا کرتا تھا وہ جب کسی تنگ دست کی تنگدستی دیکھتا تو اپنے نمائندے سے کہتا اس سے درگزر کرو تاکہ اللہ تعالیٰ ہم سے بھی درگزر کرے۔ نبی اکرم صلی اللہ علیہ وسلم ارشاد فرماتے ہیں: جب وہ اللہ تعالیٰ کی بارگاہ میں حاضر ہوا، تو اللہ تعالیٰ نے اس سے درگزر کیا۔ “