صحیح ابن حبان

سیدنا براء رضی اللہ عنہ نے فرمایا: تم لوگ ” فتح “ فتح مکہ کو سمجھتے ہو، فتح مکہ بھی ” فتح “ ہے لیکن ہم حدیبیہ کے دن بیعت رضوان کو ” فتح “ شمار کرتے ہیں۔ وہ بیان کرتے ہیں: ہم لوگ نبی اکرم صلی اللہ علیہ وسلم کے ہمراہ 114 افراد تھے حدیبیہ ایک کنواں ہے، ہم نے اس میں سے پانی نکال لیا، ہم نے اس میں ایک قطرہ بھی باقی نہیں رہنے دیا، نبی اکرم صلی اللہ علیہ وسلم کو اس بات کی اطلاع ملی تو آپ اس کے پاس تشریف لائے آپ صلی اللہ علیہ وسلم اس کے کنارے تشریف فرما ہوئے پھر آپ صلی اللہ علیہ وسلم نے پانی کا برتن منگوایا، آپ صلی اللہ علیہ وسلم نے وضو کیا، کلی کی، دعا مانگی اور وہ پانی اس کنویں میں انڈیل دیا، تھوڑی ہی دیر کے بعد ہم نے اپنی پسند کے مطابق (ڈھیر سارا) پانی اس میں سے لیا اور اپنی سواریوں کو بھی (پلایا)، (امام ابن حبان رحمہ اللہ فرماتے ہیں:) ہمارے شیخ نے یہی الفاظ ہمیں بیان کیے ہیں: ” 114 “ افراد حالانکہ ان حضرات کی تعداد 1400 تھی، کیونکہ حدیبیہ کے موقع پر موجود افراد ایک ہزار چار سو تھے۔