صحیح ابن حبان

یوسف بن عبداللہ بن سلام اپنے والد (سیدنا عبداللہ بن سلام رضی اللہ عنہ کا یہ بیان نقل کرتے ہیں: ایک مرتبہ ہم نبی اکرم صلی اللہ علیہ وسلم کے ساتھ بیٹھے ہوئے تھے اسی دوران نبی اکرم صلی اللہ علیہ وسلم نے لوگوں کو یہ کہتے ہوئے سنا کہ یا رسول اللہ! کون سا عمل زیادہ فضیلت رکھتا ہے؟ نبی اکرم صلی اللہ علیہ وسلم نے ارشاد فرمایا: اللہ اور اسکے رسول پر ایمان رکھنا اور اللہ کی راہ میں جہاد کرنا اور مبرور حج، پھر نبی اکرم صلی اللہ علیہ وسلم نے وادی میں کسی کی آواز سنی جو یہ کہہ رہا تھا۔ ” میں اس بات کی گواہی دیتا ہوں کہ اللہ تعالیٰ کے علاوہ اور کوئی معبود نہیں ہے بے شک سیدنا محمد صلی اللہ علیہ وسلم اللہ کے رسول ہیں۔ “ تو نبی اکرم صلی اللہ علیہ وسلم نے ارشاد فرمایا: میں بھی اس بات کی گواہی دیتا ہوں اور میں اس بات کی گواہی بھی دیتا ہوں کہ جو بھی شخص اس بات کی گواہی دے گا وہ شرک سے بری ذمہ ہو گا۔