صحیح ابن حبان

عدی بن عدی کندی بیان کرتے ہیں: ایک مرتبہ سیدنا ابودرداء رضی اللہ عنہ لشکر سے ہٹ کر سفر کر رہے تھے اسی دوران ان کی ملاقات دو آدمیوں سے ہوئی وہ بھی لشکر سے ہٹے ہوئے تھے۔ سیدنا ابودرداء رضی اللہ عنہ نے فرمایا: اے دو آدمیو! جب بھی اس طرح کی جگہ پر تین آدمی اکٹھے ہو جائیں تو ان پر کوئی امیر بھی ہونا چاہئے اس لیے تم اپنے میں سے کسی کو امیر مقرر کر دو۔ ان دونوں نے کہا: اے ابودرداء آپ امیر ہیں تو سیدنا ابودرداء رضی اللہ عنہ نے فرمایا: بلکہ تم دونوں امیر ہو۔ میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ” جب بھی تین آدمیوں کا کوئی نگران اللہ تعالیٰ کی بارگاہ میں حاضر ہو گا تو اس کا دائیاں ہاتھ باندھا ہوا ہو گا اگر اس نے انصاف کیا ہو گا تو وہ اس کے ہاتھ کو کھلوا دے گا اور اگر ظلم کیا ہو گا تو وہ ہاتھ بندھا رہے گا۔ “