صحیح ابن حبان

سیدنا واسع بن حبان رضی اللہ عنہ بیان کرتے ہیں: ایک لڑکے نے ایک باغ سے کھجور کا پودا چوری کر لیا یہ مقدمہ مروان کی خدمت میں پیش ہوا تو اس نے اس لڑکے کا ہاتھ کاٹنے کا حکم دیا تو سیدنا رافع بن خدیج رضی اللہ عنہ نے فرمایا: نبی اکرم صلی اللہ علیہ وسلم نے یہ بات ارشاد فرمائی ہے۔ ” پھل اور کثر کی چوری پر ہاتھ نہیں کاٹا جائے گا۔ “ (امام ابن حبان رحمہ اللہ فرماتے ہیں: کتاب میں خطاب کا حکم عمومی ہے۔ اللہ تعالیٰ نے ارشاد فرمایا ہے: ” چوری کرنے والے مرد اور چوری کرنے والی عورت کے ہاتھ کاٹ دو “ تو اللہ تعالیٰ نے یہ حکم دیا ہے چور جب بھی چوری کرے تو اس کا ہاتھ کاٹ دیا جائے، لیکن پھر سنت نے اس کی وضاحت کی ہے پھل اور کثر کی چوری پر ہاتھ نہیں کاٹا جائے گا۔ ہاتھ صرف اس وقت کاٹا جائے گا جب ایک چوتھائی دینار کی قیمت والی چیز کو چوری کیا جائے گا۔ تو کتاب میں خطاب سے مراد یہ ہے: ان دونوں کا ہاتھ اس وقت کاٹو جب وہ ایک چوتھائی دینار قیمت والی چیز کو چوری کریں یا اس چیز کو چوری کریں جو اس کے قائم مقام ہو اور جو پھل اور کثر کے علاوہ ہو۔