صحیح ابن حبان

سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ” میں قریش کے کسی بھی حلف میں شریک نہیں ہوا صرف ” مطیبین “ کے حلف میں شریک ہوا تھا اور میری یہ خواہش نہیں ہے میں اس حلف کو توڑوں خواہ اس کے عوض میں مجھے سرخ اونٹ مل رہے ہوں۔ “ (راوی بیان کرتے ہیں) ” مطیبین“ سے مراد بنوہاشم بنوامیہ بنوزہرہ اور بنومخزوم ہیں۔ (امام ابن حبان رحمہ اللہ فرماتے ہیں:) دونوں روایات میں یہ بات مذکور ہے، میں ” مطیبین “ کے حلف میں شریک ہوا تھا حالانکہ نبی اکرم صلی اللہ علیہ وسلم ” مطیبین “ کے حلف میں شریک نہیں ہوئے تھے کیونکہ ” مطیبین “ کا حلف نبی اکرم صلی اللہ علیہ وسلم کی پیدائش سے پہلے ہوا تھا۔ نبی اکرم صلی اللہ علیہ وسلم حلف الفضول میں شریک ہوئے تھے اور یہ بھی ” مطیبین “ کے درمیان ہوا تھا میں نے اس روایت کے بارے میں اپنی کتاب ” التوريث والحجب “ میں تفصیل سے بحث ذکر کر دی ہے۔