صحیح ابن حبان

سیدنا عقبہ بن عامر رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ” سب سے بہتر نکاح وہ ہے جو آدمی کیلئے سب سے زیادہ آسان ہو۔ “ نبی اکرم صلی اللہ علیہ وسلم نے ایک شخص کیلئے یہ فرمایا کیا تم اس بات سے راضی ہو کہ میں تمہاری شادی فلاں خاتون کے ساتھ کروا دوں اس نے کہا: جی ہاں۔ نبی اکرم صلی اللہ علیہ وسلم نے اس خاتون سے دریافت کیا: کیا تم اس بات سے راضی ہو کہ تمہاری شادی فلاں شخص سے کروا دوں۔ اس عورت نے جواب دیا: جی ہاں، تو نبی اکرم صلی اللہ علیہ وسلم نے اس خاتون کی شادی کروا دی۔ آپ صلی اللہ علیہ وسلم نے کوئی مہر مقرر نہیں کیا۔ اس خاتون کی رخصتی ہو گئی مرد نے اسے کوئی چیز ادا نہیں کی جب اس مرد کے انتقال کا وقت قریب آیا تو اس نے کہا: بے شک اللہ کے رسول نے فلاں خاتون کے ساتھ میری شادی کروائی تھی اور مں نے اسے مہر کے طور پر کوئی ادائیگی نہیں کی تھی میں خیبر میں موجود اپنا حصہ اس خاتون کو دیتا ہوں۔