صحیح ابن حبان

ابونضرہ بیان کرتے ہیں: سیدنا عبداللہ بن عباس رضی اللہ عنہما ہمیں حج تمتع کی ہدایت کرتے تھے جبکہ سیدنا عبداللہ بن زبیر رضی اللہ عنہما اس سے منع کیا کرتے تھے میں نے اس بات کا تذکرہ سیدنا جابر رضی اللہ عنہ سے کیا، تو انہوں نے فرمایا: اب میرے ذریعے بات کی تحقیق مکمل ہو گی۔ ہم لوگوں نے نبی اکرم صلی اللہ علیہ وسلم کے ہمراہ حج تمتع کیا ہے جب سیدنا عمر بن خطاب رضی اللہ عنہ کا زمانہ آیا، تو انہوں نے یہ فرمایا: بے شک اللہ تعالیٰ نے اپنے نبی کے لیے جو چاہا اور جتنا چاہا حلال قرار دیا اور قرآن کے اپنے مخصوص احکامات ہیں تم لوگ حج اور عمرے کو مکمل کرو جس طرح اللہ تعالیٰ نے تمہیں حکم دیا ہے اور تم لوگ نکاح متعہ کرنے سے باز رہو میرے پاس جو بھی ایسا شخص لایا جائے جس نے کسی عورت کے ساتھ کسی متعین مدت کے لیے نکاح کیا ہو، تو میں اسے پتھروں کے ذریعے سنگسار کر دوں گا۔