صحیح ابن حبان

سیدنا ابوہریرہ رضی الله عنہ، نبی اکرم صلی اللہ علیہ وسلم کا یہ فرمان نقل کرتے ہیں: ” میرے گھر اور میرے منبر کی درمیانی جگہ جنت کا ایک باغ ہے اور میرا منبر میرے حوض پر ہو گا ۔“ (امام ابن حبان رحمہ اللہ فرماتے ہیں:): ان دونوں روایات میں جو الفاظ منقول ہیں اس کے بارے میں ہم اپنی کتابوں میں یہ بات بیان کر چکے ہیں کہ عرب اپنے محاور ے میں بعض اوقات کسی مقصود چیز کا اسم اس کے سبب کے لیے استعمال کر لیتے ہیں۔ جب کوئی مسلمان نبی اکرم صلی اللہ علیہ وسلم کے منبر کے پاس اللہ تعالیٰ کی فرمانبرداری کر کے اس کا قرب حاصل کرتا ہے اور اس کی قبولیت کی امید ہوتی ہے اور اس کا ثواب جنت ملنے کی اُمید ہوتی ہے، تو یہاں مقصود کے اسم کو جو جنت ہے اس کے سبب کے لیے استعمال کیا گیا ہے اور وہ منبر ہے اسی طرح نبی اکرم صلی اللہ علیہ وسلم کا یہ فرمان ” جنت کے باغوں میں سے ایک باغ“ اسی طرح نبی اکرم صلی اللہ علیہ وسلم کا یہ فرمان ” میرا منبر میرے حوض پر ہے “ اس سے مراد یہی ہے کہ آدمی کو یہ امید رکھنی چاہیئے کہ وہ حوض کوثر سے مشروب حاصل کرے گا اور جنت کے باغات میں پہنچے گا۔ دنیا میں اس جگہ پر اطاعت و فرمانبرداری کرنے کی وجہ سے (وہاں پہنچے گا) یہ نبی اکرم صلی اللہ علیہ وسلم کے اس فرمان کی مانند ہو گا ” بیمار کی عیادت کرنے والا جنت کے باغ میں ہوتا ہے۔ “ تو جب بیمار کی عیادت کرنے والا شخص اپنی عیادت کے وقت میں ایسی حالت میں ہوتا ہے کہ اس کے لیے جنت کے باغ میں پہنچنے کی اُمید کی جا سکتی ہے اور یہی مقصود ہے، تو یہاں مقصود کا اسم اس کے سبب کے لیے استعمال ہوا ہے۔ اس کی مثال نبی اکرم صلی اللہ علیہ وسلم کا یہ فرمان ہے ” جنت تلواروں کے سائے تلے ہے “ اس کی اور بھی بہت سی مثالیں ہیں، جنہیں ہم عنقریب اس کتاب میں آگے چل کر نقل کریں گے۔ اگر اللہ