صحیح ابن حبان

سیدنا علی بن ابوطالب رضی اللہ عنہ بیان کرتے ہیں: ہم لوگ نبی اکرم صلی اللہ علیہ وسلم کے ہمراہ روانہ ہوئے، یہاں تک کہ ” سقیا“ کے مقام پر موجود پتھریلے میدان میں آ گئے۔ نبی اکرم صلی اللہ علیہ وسلم نے ارشاد فرمایا: میرے پاس وضو کا پانی لے کر آؤ۔ جب نبی اکرم صلی اللہ علیہ وسلم نے وضو کر لیا، تو آپ کھڑے ہوئے آپ نے قبلہ کی طرف رخ کیا پھر آپ نے تکبیر کہی پھر یہ دعا کی۔ ” اے اللہ! بے شک سیدنا ابراہیم علیہ السلام تیرے بندے اور تیرے خلیل تھے۔ انہوں نے اہل مکہ کے لیے تجھ سے برکت کی دعا کی تھی۔ میں ” محمد“ تیرا بندہ اور تیرا رسول ہوں۔ میں اہل مدینہ کے لئے تجھ سے دعا کرتا ہوں کہ، تو ان کے مد اور ان کے صاع میں اسی طرح برکت کو رکھ دے جس طرح، تو نے اہل مکہ کے لیے برکت رکھی تھی اور اس برکت کے ہمراہ دو مزید برکتیں رکھ دے۔