صحیح ابن حبان

سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ” عنقریب ایسا وقت آئے گا کہ جب لوگ علم کے حصول کے لیے اونٹوں کے جگر پگھلا دیں گے (یعنی انتہائی زیادہ سفر کریں گے)، لیکن انہیں کوئی ایسا عالم نہیں ملے گا جو اہل مدینہ کے عالم سے بڑا عالم ہو ۔“ ابوموسیٰ نامی راوی بیان کرتے ہیں: مجھے یہ بات پتہ چلی ہے کہ ابن جریج یہ فرماتے تھے: ہم یہ سمجھتے ہیں کہ اس سے مراد سیدنا امام مالک رضی اللہ عنہ ہیں۔ میں نے اس بات کا تذکرہ سفیان سے کیا، تو انہوں نے فرمایا: عالم وہ شخص ہوتا ہے، جو اللہ تعالیٰ سے ڈرتا ہو اور ہمیں ایسے کسی شخص کا علم نہیں ہے، جو عمری سے زیادہ اللہ تعالیٰ سے ڈرتا ہو، اس کی مراد عبداللہ بن عبدالعزیز تھا۔