صحیح ابن حبان

سیدنا ابوسعید خدری رضی اللہ عنہ بیان کرتے ہیں: نبی اکرم صلی اللہ علیہ وسلم نے رمضان کے درمیانی عشرے میں اعتکاف کیا آپ شب قدر تلاش کرنا چاہتے تھے جب وہ گزر گیا، تو آپ کے حکم کے تحت خیمے کو اتار لیا گیا پھر آپ کے سامنے یہ بات ظاہر ہوئی کہ شب قدر رمضان کے آخری عشرے میں ہو گی، تو آپ لوگوں کے پاس تشریف لائے۔ آپ نے ارشاد فرمایا: ” اے لوگو! شب قدر کو میرے سامنے کیا گیا، میں اس کے بارے میں تمہیں بتانے کے لیے آیا، تو دو آدمی آپس میں بحث کر رہے تھے ان کے ساتھ شیطان تھا، تو یہ مجھے بھلا دی گئی، تو تم اسے ساتویں رات میں تلاش کرو یا تم اسے پانچویں رات میں تلاش کرو ۔“