صحیح ابن حبان

ابوعثمان بیان کرتے ہیں: سیدنا ابوہریرہ رضی اللہ عنہ سفر کر رہے تھے جب ان لوگوں نے پڑاؤ کیا اور دسترخوان بچھا دیا گیا، تو لوگوں نے سیدنا ابوہریرہ رضی اللہ عنہ کو بلانے کے لیے کسی کو بھیجا وہ اس وقت نماز ادا کر رہے تھے۔ انہوں نے بتایا: میں نے روزہ رکھا ہوا ہے جب وہ لوگ کھانے سے فارغ ہو گئے، تو سیدنا ابوہریرہ رضی اللہ عنہ تشریف لے آئے۔ انہوں نے کھانا شروع کر دیا۔ لوگوں نے اپنے پیغام رساں کی طرف بھیجا۔ اس نے کہا: آپ لوگ میری طرف کیا دیکھ رہے ہیں اللہ کی قسم! انہوں نے، تو مجھے یہ کہا: تھا کہ میں نے روزہ رکھا ہوا ہے، تو سیدنا ابوہریرہ رضی اللہ عنہ نے فرمایا: اس نے سچ کہا: تھا میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے۔ ” جو شخص ہر مہینے کے تین روزے رکھ لے، تو یہ پورا مہینہ روزے رکھنے کے برابر ہیں ۔“ تو میں ہر مہینے کے تین روزے رکھتا اس طرح میں پورا مہینہ روزہ رکھ لیتا ہوں اور میں نے اس بات کی تصدیق اللہ تعالیٰ کی کتاب میں بھی پائی ہے (ارشاد باری تعالیٰ ہے) ” جس شخص نے ایک نیکی کی، تو اسے اس کا دس گنا اجر ملے گا ۔“