صحیح ابن حبان

سیدنا حمزہ بن عمرو اسلمی رضی اللہ عنہ بیان کرتے ہیں: انہوں نے عرض کی: یا رسول اللہ صلی اللہ علیہ وسلم! میں اپنے اندر سفر کے دوران روزہ رکھنے کی قوت پاتا ہوں، تو کیا مجھے کوئی گناہ ہو گا (اگر میں روزہ رکھ لوں) نبی اکرم صلی اللہ علیہ وسلم نے فرمایا: یہ اللہ تعالیٰ کی طرف سے ملنے والی رخصت ہے، جو اسے اختیار کر لیتا ہے، تو یہ اچھا ہے اور جو شخص روزہ رکھنے کو پسند کرتا ہے تو اسے کوئی گناہ نہیں ہو گا۔ (امام ابن حبان رحمہ اللہ فرماتے ہیں:): عروہ بن زبیر نے یہ روایت سیدہ عائشہ رضی اللہ عنہ سے سنی ہے اور ابومراوح نے یہ روایت سیدنا حمزہ بن عمرو رضی اللہ عنہ سے سنی ہے، تو ان دونوں کے الفاظ مختلف ہیں۔