صحیح ابن حبان

سیدنا شداد بن اوس رضی اللہ عنہ بیان کرتے ہیں: ایک مرتبہ میں رمضان کی اٹھارہ تاریخ کو نبی اکرم صلی اللہ علیہ وسلم کے ساتھ جا رہا تھا اسی دوران نبی اکرم صلی اللہ علیہ وسلم نے توجہ کی، تو آپ کی نظر ایک شخص پر پڑی جو پچھنے لگوا رہا تھا، تو نبی اکرم صلی اللہ علیہ وسلم نے ارشاد فرمایا: پچھنے لگانے والے اور لگوانے والے کا روزہ ٹوٹ گیا۔ (امام ابن حبان رحمہ اللہ فرماتے ہیں:): ابوقلابہ نے یہ روایت ابواسماء کے حوالے سے سیدنا ثوبان رضی اللہ عنہ سے بھی سنی ہے اور انہوں نے یہ روایت ابواشعث کے حوالے سے ابواسماء کے حوالے سے سیدنا شداد بن اوس رضی اللہ عنہ سے بھی سنی ہے، تو اس کے دونوں طرق محفوظ ہیں۔ شیبان بن عبدالرحمن نے یحیی بن ابوکثیر کے حوالے سے منقول اس روایت کی دونوں سندوں کو جمع کر دیا ہے، جو ابوقلابہ کے حوالے سے ابواسماء کے حوالے سے سیدنا ثوبان رضی اللہ عنہ سے اور ابواشعث کے حوالے سے ابواسماء کے حوالے سے سیدنا شداد بن اوس رضی اللہ عنہ سے منقول ہے۔