صحیح ابن حبان

ابوبکر بن عبدالرحمن بیان کرتے ہیں: وہ سیدہ عائشہ رضی اللہ عنہا کی خدمت میں حاضر ہوئے اور یہ بتایا کہ سیدنا ابوہریرہ رضی اللہ عنہ ہمیں یہ فتوی دیتے ہیں کہ جو شخص صبح صادق کے وقت جنابت کی حالت میں ہو اس کا روزہ نہیں ہوتا۔ آپ اس بارے میں کیا کہتی ہیں؟ سیدہ عائشہ رضی اللہ عنہا نے بتایا: سیدنا بلال رضی اللہ عنہ نبی اکرم صلی اللہ علیہ وسلم کے پاس آپ کو نماز کے لیے بلانے آتے تھے اور نبی اکرم صلی اللہ علیہ وسلم اس وقت جنابت کی حالت میں ہوتے تھے۔ پھر آپ اٹھ کر غسل کرتے تھے اور میں آپ کے دونوں کندھوں کے درمیان پانی کو بہتا ہوا دیکھ رہی ہوتی تھی، لیکن پھر بھی آپ روزہ رکھ لیتے تھے۔