صحیح ابن حبان

عبدالملک بن ابوبکر اپنے والد کا یہ بیان نقل کرتے ہیں۔ انہوں نے سیدنا ابوہریرہ رضی اللہ عنہ کو یہ بیان کرتے ہوئے سنا جو شخص صبح صادق کے وقت جنابت کی حالت میں ہو وہ روزہ نہ رکھے (راوی کہتے ہیں:) (ابوبکر نامی راوی اور ان کے والد گئے اور سیده ام سلمہ رضی اللہ عنہا اور سیدہ عائشہ رضی اللہ عنہا کی خدمت میں حاضر ہوئے (اور ان سے اس بارے میں دریافت کیا)، تو ان دونوں نے یہ بات بیان کی نبی اکرم صلی اللہ علیہ وسلم بعض اوقات صبح صادق کے وقت جنابت کی حالت میں ہوتے تھے، لیکن آپ پھر بھی روزہ رکھ لیتے تھے۔ پھر ابوبکر نامی راوی اور ان کے والد مروان کے پاس آئے اور اسے یہ حدیث بیان کی، تو وہ بولا: میں آپ دونوں کو تاکید کرتا ہوں کہ جب آپ دونوں سیدنا ابوہریرہ رضی اللہ عنہ کے پاس جائیں، تو انہیں بھی یہ بات بیان کریں پھر یہ دونوں سیدنا ابوہریرہ رضی الله عنہ کے پاس گئے اور انہیں یہ بات بیان کی، تو انہوں نے فرمایا: وہ خواتین زیادہ علم رکھتی ہیں مجھے اس بارے میں سیدنا فضل بن عباس رضی اللہ عنہما نے بتایا تھا۔