صحیح ابن حبان

سیدہ عائشہ صدیقہ رضی اللہ عنہا بیان کرتی ہیں: نبی اکرم صلی اللہ علیہ وسلم نے ارشاد فرمایا ہے:اللہ تعالیٰ نے ہر انسان کے تین سو ساٹھ جوڑ بنائے ہیں، تو جو شخص تین سو ساٹھ کی تعداد میں (درج ذیل کام کرتا ہے) وہ «اللہ اکبر» پڑھتا ہے، «الحمداللہ» پڑھتا ہے، «لا اله الا الله» پڑھتا ہے، «سبحان اللہ» پڑھتا ہے، «استغفراللہ» پڑھتا ہے، لوگوں کے راستے سے ہڈی کو ہٹا دیتا ہے، ان کے راستے سے پتھر کو ہٹا دیتا ہے، نیکی کا حکم دیتا ہے اور برائی سے روکتا ہے (وہ یہ سب کام تین سو ساٹھ مرتبہ کر لیتا ہے)، تو وہ شام کے وقت ایسی حالت میں ہوتا ہے، کہ اس نے اپنے آپ کو جہنم سے بچا لیا ہوتا ہے۔