صحیح ابن حبان

عبدالرحمن بن مسعود بیان کرتے ہیں: سیدنا سہل بن ابوحثمہ رضی اللہ عنہ ہماری اس مسجد میں تشریف لائے انہوں نے ہمیں یہ حدیث بیان کی کہ نبی اکرم صلی اللہ علیہ وسلم نے ارشاد فرمایا ہے: ” جب تم پیداوار کا اندازہ لگاؤ، تو وصولی کر لو اور ایک تہائی حصے کو چھوڑ دو اگر تم ایک تہائی کو نہیں چھوڑتے، تو چوتھے حصے کو چھوڑ دو۔ “ (امام ابن حبان رحمہ اللہ فرماتے ہیں:): اس روایت کے دو مفہوم ہو سکتے ہیں ایک یہ ہے: وہ عشر میں سے ایک تہائی یا ایک چوتھائی کو ترک کر دے اور دوسرا مفہوم یہ ہے: وہ عشر لینے سے پہلے کھجوروں میں سے ہی اسے ترک کر دے جبکہ وہ باغ بڑا ہو۔