صحیح ابن حبان

سیدنا جابر رضی اللہ عنہ بیان کرتے ہیں: نبی اکرم صلی اللہ علیہ وسلم نے اپنے اصحاب کو نماز خوف پڑھائی آپ صلی اللہ علیہ وسلم نے ان سب کے ساتھ رکوع کیا نبی اکرم صلی اللہ علیہ وسلم سجدے میں گئے، تو وہ سب بھی سجدے میں گئے جو آپ صلی اللہ علیہ وسلم کے قریب موجود تھے، جب دوسرے لوگ کھڑے رہے، پھر جب نبی اکرم صلی اللہ علیہ وسلم کھڑے ہوئے، تو ان لوگوں نے بذات خود دو مرتبہ سجدہ کیا، پھر آگے والی صف پیچھے ہٹ گئی پھر نبی اکرم صلی اللہ علیہ وسلم رکوع میں گئے، تو وہ صف بھی رکوع میں گئی جو آپ صلی اللہ علیہ وسلم کے قریب کھڑی ہوئی تھی ان لوگوں نے اپنا سر اٹھایا اور ان لوگوں نے دو سجدے کیے تو ان سب نے نبی اکرم صلی اللہ علیہ وسلم کے ہمراہ رکوع کیا ان سب لوگوں نے بذات خود دو سجدے کیے اس وقت دشمن قبلہ کی سمت میں موجود تھا۔