صحیح ابن حبان

یعلی بن امیہ بیان کرتے ہیں: میں نے سیدنا عمر رضی اللہ عنہ سے کہا: لوگ قصر نماز پڑھتے ہیں جبکہاللہ تعالیٰ نے یہ بات ارشاد فرمائی ہے: ” اگر تمہیں یہ اندیشہ ہو، کافر لوگ تمہیں آزمائش کا شکار کر دیں گے ۔“ تو یہ صورت حال تو اب رخصت ہو چکی ہے، تو سیدنا عمر رضی اللہ عنہ نے فرمایا: میں بھی اس بات پر حیران ہوا تھا یہاں تک کہ میں نے اس بارے میں نبی اکرم صلی اللہ علیہ وسلم سے سوال کیا، تو آپ نے ارشاد فرمایا: ” یہ ایک صدقہ ہے، جواللہ تعالیٰ نے تم لوگوں پر کیا ہے تم اس کے صدقے کو قبول کر لو ۔“