صحیح ابن حبان

سیدنا عبادہ بن صامت رضی اللہ عنہ روایت کرتے ہیں، نبی اکرم صلی اللہ علیہ وسلم نے ارشاد فرمایا ہے: ” جو شخص رات کے وقت بیدار ہو اور بیدار ہونے کے بعد یہ پڑھے۔ ”اللہ تعالیٰ کے علاوہ اور کوئی معبود نہیں ہے، وہی ایک معبود ہے اس کا کوئی شریک نہیں ہے بادشاہی اسی کے لیے مخصوص ہے حمد اسی کے لیے مخصوص ہے اور وہ ہر شے پر قدرت رکھتا ہےاللہ تعالیٰ کی ذات ہر عیب سے پاک ہے ہر طرح کی حمداللہ تعالیٰ کے لیے مخصوص ہےاللہ تعالیٰ کے علاوہ اور کوئی معبود نہیں ہےاللہ تعالیٰ سب سے بڑا ہےاللہ تعالیٰ کی مدد کے بغیر کچھ نہیں ہو سکتا اے اللہ! تو میری مغفرت کر دے ۔“ (نبی اکرم صلی اللہ علیہ وسلم فرماتے رہے) اس شخص کی مغفرت ہو جاتی ہے اگر وہ اٹھ کر وضو کرے اور نماز ادا کرے تو اس کی نماز قبول ہوتی ہے۔ ولید نامی راوی نے یہ بات بیان کی ہے روایت میں یہ الفاظ ہیں۔ ” اس شخص کی مغفرت ہو جاتی ہے ۔“ راوی کو شک ہے شاید یہ الفاظ ہے ” اس شخص کی دعا قبول ہوتی ہے ۔“