صحیح ابن حبان

سیدنا ربیع بن کعب اسلمی رضی اللہ عنہ بیان کرتے ہیں: میں ایک مرتبہ رات کے وقت نبی اکرم صلی اللہ علیہ وسلم کے ساتھ تھا، میں آپ کے وضو اور قضائے حاجت کے لیے پانی لے کر آپ کی خدمت میں حاضر ہوا آپ رات کے وقت نوافل ادا کرتے ہوئے یہ پڑھتے رہے۔ ” پاک ہے میرا پروردگار اور حمد اس کے لیے مخصوص ہے پاک ہے میرا پروردگار حمد اسی کے لیے مخصوص ہے ۔“ آپ خاصی دیر یہ پڑھتے رہے، پھر آپ یہ پڑھتے رہے۔ ” پاک ہے تمام جہانوں کا پروردگار اور پاک ہے تمام جہانوں کا پروردگار “ آپ خاصی دیر یہ پڑھتے رہے۔