صحیح ابن حبان

سیدنا انس بن مالک رضی اللہ عنہ بیان کرتے ہیں: نبی اکرم صلی اللہ علیہ وسلم ہمارے ساتھ گھل مل جایا کرتے تھے یہاں تک کہ میرے چھوٹے بھائی سے فرماتے تھے، اے ابوعمیر! تمہاری چڑیا کا کیا حال ہے، جب نماز کا وقت ہوا، تو ہم نے نبی اکرم صلی اللہ علیہ وسلم کے لیے اپنی چٹائی بچھا دی پھر نبی اکرم صلی اللہ علیہ وسلم نے اس پر نماز ادا کی اور ہم نے آپ کے پیچھے نماز ادا کی۔ (امام ابن حبان رحمہ اللہ فرماتے ہیں:) سیدنا انس رضی اللہ عنہ کا یہ کہنا ہے کہ ” نماز کا وقت ہو گیا تھا “ اس سے مراد یہ ہے کہ نفل نماز کا وقت ہوا تھا نبی اکرم صلی اللہ علیہ وسلم فرض نماز جماعت کے ساتھ کسی انصاری کے گھر ادا نہیں کرتے تھے جو با جماعت نماز والی مسجد کے علاوہ ہو۔