صحیح ابن حبان

عطاء بن ابومروان اپنے والد کا یہ بیان نقل کرتے ہیں، کعب نے (شاید اس سے مراد کعب الاحبار ہیں) اس ذات کی قسم اٹھائی جس نے سیدنا موسیٰ علیہ السلام کے لیئے دریا کو چیر دیا اور یہ بات بیان کی، ہم نے کتاب (یعنی تورات) میں یہ بات پائی ہے، اللہ کے نبی سیدنا داؤد علیہ السلام جب نماز پڑھ کر فارغ ہوتے تھے، تو یہ کلمات پڑھتے تھے: ” اے اللہ! تو میرے لئے میرے دین کو ٹھیک کر دے جس کو تو نے میرے انجام کا ذریعہ بنایا ہے اور میرے لیئے میری دنیا کو ٹھیک کر دے جس میں، تو نے میری زندگی رکھی ہے۔ اے اللہ! میں تیری ناراضگی کے مقابلے میں تیری رضا مندی کی تیرے انتقام لینے کے مقابلے میں تیری معافی کی اور تیری ذات کے مقابلے میں تیری پناہ مانگتا ہوں۔ اے اللہ! جسے تو عطا کر دے اسے کوئی روکنے والا نہیں ہے اور جسے تو نہ دے اسے کوئی کچھ دینے والا نہیں ہے اور تیری ذات کے مقابلے میں کسی بھی صاحب حیثیت شخص کی حیثیت فائدہ نہیں دیتی۔ “ راوی بیان کرتے ہیں: کعب الاحبار نے مجھے یہ بات بتائی، سیدنا صہیب رضی اللہ عنہ نے انہیں یہ بات بتائی تھی، نبی اکرم صلی اللہ علیہ وسلم بھی نماز سے فارغ ہونے کے بعد یہ کلمات پڑھا کرتے تھے۔