صحیح ابن حبان

عامر بن سعد اپنے والد کا یہ بیان نقل کرتے ہیں۔ میں نے نبی اکرم صلی اللہ علیہ وسلم کو دائیں طرف اور بائیں طرف سلام پھیرتے ہوئے دیکھا ہے، یہاں تک کہ آپ کے رخسار کی سفیدی نظر آ جاتی تھی۔ زہری نے یہ بات بیان کی یہ روایت نبی اکرم صلی اللہ علیہ وسلم کی حدیث کے طور پر نہیں سنی گئی ہے۔ اسماعیل نے کہا: کیا نبی اکرم صلی اللہ علیہ وسلم کی ہر حدیث تم نے سن رکھی ہے؟ انہوں نے جواب دیا: جی نہیں۔ اسماعیل نے دریافت کیا: دو تہائی سن رکھی ہیں؟ انہوں نے جواب دیا: جی نہیں۔ اسماعیل نے دریافت کیا نصف سن رکھی ہیں؟ انہوں نے جواب دیا: جی نہیں، تو اسماعیل نے کہا: یہ اس نصف حصے سے تعلق رکھتی ہیں، جن کو تم نے نہیں سنا ہے۔