صحیح ابن حبان

سیدنا عبداللہ بن مسعود رضی اللہ عنہ بیان کرتے ہیں: ہمیں یہ نہیں معلوم تھا، ہم نماز میں کیا پڑھیں۔ ہم یہ پڑھا کرتے تھےاللہ تعالیٰ پر سلام ہو سیدنا جبرائیل پر سلام ہو۔ سیدنا میکائیل پر سلام ہو، تو نبی اکرم صلی اللہ علیہ وسلم نے ہمیں تعلیم دی۔ آپ نے ارشاد فرمایا: بے شکاللہ تعالیٰ خود سلامتی عطا کرنے والا ہے، جب تم دو رکعات ادا کرنے کے بعد بیٹھو تو یہ پڑھو۔ ” تمام زبانی جسمانی اور مالی عباداتاللہ تعالیٰ کے لئے مخصوص ہیں۔ اے نبی آپ پر سلام ہواللہ تعالیٰ کی رحمتیں اور اس کی برکتیں نازل ہوں ہم پر اوراللہ تعالیٰ کے تمام نیک بندوں پر سلام ہو۔ “ ابووائل نامی راوی نے اپنی روایت میں سیدنا عبداللہ بن مسعود رضی اللہ عنہ کے حوالے سے نبی اکرم صلی اللہ علیہ وسلم کے یہ الفاظ بھی نقل کیے ہیں۔ “ جب تم یہ پڑھ لو گے تو آسمان اور زمین میں موجود ہر نیک بندے تک (تمہارا اسلام) پہنچ جائے گا ۔“ ابواسحاق نامی راوی نے اپنی روایت میں سیدنا عبداللہ رضی اللہ عنہ کے حوالے سے یہ الفاظ نقل کیے ہیں۔ ” جب تم انہیں پڑھ لو گے تو ہر مقرب بندے اور مرسل نبی (راوی کو شک ہے شاید یہ الفاظ ہیں:) نیک بندے تک (تمہارا اسلام) پہنچ جائے گا ۔“ (پھر تم یہ پڑھو) ” میں اس بات کی گواہی دیتا ہوں،اللہ تعالیٰ کے علاوہ اور کوئی معبود نہیں ہے اور میں اس بات کی گواہی دیتا ہوں، سیدنا محمد اس کے بندے اور اس کے رسول ہیں۔