صحیح ابن حبان

سیدنا عبداللہ بن مسعود رضی الله عنہ بیان کرتے ہیں: پہلے جب ہم نبی اکرم صلی اللہ علیہ وسلم کے پیچھے (نماز کے دوران) بیٹھتے تھے، تو ہم یہ پڑھتے تھےاللہ تعالیٰ پر ” اس کے بندوں سے پہلے سلام ہو جبرائیل پر سلام ہو سیدنا میکائیل پر سلام ہو اور فلاں پر سلام ہو جب نبی اکرم صلی اللہ علیہ وسلم نے نماز مکمل کی تو آپ نے فرمایا: بے شکاللہ تعالیٰ تو خود سلامتی عطا کوئی شخص نماز کے دوران بیٹھتے تو اسے سب سے پہلے یہ پڑھ لینا چاہیئے۔ ” تمام جسمانی اور زبانی اور مالی عباداتاللہ تعالیٰ کے لئے مخصوص ہیں۔ اے نبی آپ پر سلام ہواللہ تعالیٰ کی رحمتیں اور اس کی برکتیں نازل ہو ہم پر اوراللہ تعالیٰ کے تمام نیک بندوں پر سلام ہو ۔“ (نبی اکرم صلی اللہ علیہ وسلم فرماتے ہیں) جب بندہ یہ کلمات پڑھ لے گا، تو آسمان اور زمین میں موجود ہر نیک بندے تک (سلام) پہنچ جائے گا۔ (اس کے بعد آدمی یہ پڑھے) ” میں اس بات کی گواہی دیتا ہوں،اللہ تعالیٰ کے علاوہ اور کوئی معبود نہیں ہے اور میں اس بات کی گواہی دیتا ہوں، سیدنا محمد صلی اللہ علیہ وسلم اس کے بندے اور اس کے رسول ہیں۔ “ (نبی اکرم صلی اللہ علیہ وسلم فرماتے ہیں) پھر دعا کے حوالے سے آدمی کو اختیار ہے، جو وہ پسند کرے (وہ دعا مانگ لے)