صحیح ابن حبان

ابوقلابہ بیان کرتے ہیں: سیدنا مالک بن حویرث رضی اللہ عنہ ہمارے پاس ہماری مسجد میں تشریف لائے انہوں نے فرمایا: میں نماز ادا کرنے لگا ہوں۔ میرا نماز ادا کرنے کا ارادہ نہیں ہے بلکہ میرا ارادہ یہ ہے، میں تمہیں اس بات کی تعلیم دوں، نبی اکرم صلی اللہ علیہ وسلم کس طرح نماز ادا کیا کرتے تھے۔ انہوں نے یہ بات بیان کی، جب نبی اکرم صلی اللہ علیہ وسلم پہلی رکعت میں (دوسرے) سجدے کے بعد سر کو اٹھاتے تھے، تو پہلے سیدھے بیٹھتے تھے، پھر آپ زمین کا سہارا لے کر کھڑے ہوتے تھے۔