صحیح ابن حبان

جبیر بن مطعم کے صاحبزادے اپنے والد کا یہ بیان نقل کرتے ہیں میں نے نبی اکرم صلی اللہ علیہ وسلم کو دیکھا کہ جب آپ نماز کا آغاز کرتے تھے، تو یہ پڑھتے تھے۔ ” اے اللہ! میں شیطان سے تیری پناہ مانگتا ہوں۔ اس کے ٹہوکا دینے، پھونک مارنے اور پھونکنے سے تیری پناہ مانگتا ہوں ۔“ عمرو نامی راوی کہتے ہیں اس کے ٹہوکا دینے سے مراد مرگی ہے اور پھونک مارنے سے مراد تکبر ہے اور اس کے پھونکنے سے مراد شعر کہنا ہے۔