صحیح ابن حبان

سیدنا ابوسعید خدری رضی اللہ عنہ، نبی اکرم صلی اللہ علیہ وسلم کا یہ فرمان نقل کرتے ہیں: ” جب تم کسی شخص کو باقاعدگی سے مسجد کی طرف آتے ہوئے دیکھو تو اس کے ایمان کے بارے میں گواہی دو کیونکہاللہ تعالیٰ نے فرمایا ہے: ” بیشکاللہ تعالیٰ کی مسجد کو وہ شخص آباد کرتا ہے، جواللہ تعالیٰ اور آخرت کے دن پر ایمان رکھتا ہو ۔“ (امام ابن حبان رحمہ اللہ فرماتے ہیں:) ” دراج نامی راوی مصر سے تعلق رکھتا ہے، اس کا نام عبدالرحمن بن سمح ہے، اور اس کی کنیت ” ابوالسمح“ ہے۔ ابوہیثم نامی راوی کا نام سلیمان بن عمرو عتواری ہے، یہ فلسطین سے تعلق رکھنے والے ” ثقہ “ راویوں میں سے ایک ہے۔ روایت کے الفاظ میں لفظ ” علیہ “ لفظ ” لہ “ کے معنی میں استعمال ہوا ہے۔