صحیح ابن حبان

سیدنا عبداللہ بن عمرو رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ” جب تم مؤذن کو سنو تو تم اس کی مانند کلمات کہو جو وہ کہتا ہے، اور پھر تم مجھ پر درود بھیجو جو شخص مجھ پر ایک مرتبہ درود بھیجتا ہے۔اللہ تعالیٰ اس پر دس مرتبہ رحمتیں نازل کرتا ہے، اور تم میرے لئے وسیلے کی دعا مانگو، کیونکہ وسیلہ جنت میں ایک مقام ہے، جو اللہ کے بندوں میں سے صرف کسی ایک بندے کو ملے گا، اور مجھے یہ امید ہے، وہ ایک بندہ ” میں “ ہوں گا، جو شخص میرے لئے وہ مانگے گا، تو اس کے لئے قیامت کے دن میری شفاعت لازم ہو جائے گی ۔“