صحیح ابن حبان

عیسی بن طلحہ بیان کرتے ہیں: ہم لوگ سیدنا معاویہ رضی اللہ عنہ کے پاس تھے۔ انہوں نے مؤذن کو «اللہ اکبر» «الله اکبر» کہتے ہوئے سنا تو سیدنا معاویہ رضی اللہ عنہ نے بھی «اللہ اکبر» «اللہ اکبر» کہا: جب مؤذن نے «اشهد ان لا اله الا الله» کہا: تو سیدنا معاویہ رضی اللہ عنہ نے کہا: میں بھی اس بات کی گواہی دیتا ہوں جنب مؤذن نے «اشهد ان محمدا رسول الله» کہا: تو سیدنا معاویہ رضی اللہ عنہ نے کہا: میں بھی اس بات کی گواہی دیتا ہوں پھر سیدنا معاویہ رضی اللہ عنہ نے بتایا میں نے نبی اکرم صلی اللہ علیہ وسلم کو اسی طرح (اذان کا جواب دیتے ہوئے) سنا ہے۔