صحیح ابن حبان

سیدنا عبدالرحمن بن عبداللہ اپنے والد کا یہ بیان نقل کرتے ہیں: سیدنا ابوسعید خدری رضی اللہ عنہ نے ان سے فرمایا میں نے دیکھا ہے، تم بھیڑ بکریوں میں رہنے اور دیہاتی زندگی کو پسند کرتے ہو (راوی کو شک ہے یا شاید یہ الفاظ ہیں) یا تم بھیڑ بکریوں میں اور ویرانے میں رہتے ہو، تو نماز کی اذان دو اور اپنی آواز کو اذان دیتے ہوئے بلند رکھو، کیونکہ مؤذن کی آواز جہاں تک جاتی ہے وہاں اسے جو بھی جن، انسان اور جو بھی چیز سنتی ہے، تو وہ قیامت کے دن اس مؤذن کے حق میں گواہی دے گی ۔“ سیدنا ابوسعید خدری رضی اللہ عنہ نے بتایا میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے۔