صحیح ابن حبان

عبدالله بن بریدہ اپنے والد کا یہ بیان نقل کرتے ہیں: نبی اکرم صلی اللہ علیہ وسلم نے ارشاد فرمایا ہے: ” انسان میں تین سو ساٹھ جوڑ ہوتے ہیں۔ آدمی پر بات لازم ہے، ان میں سے ہر ایک جوڑ کی طرف سے ایک صدقہ کرے لوگوں نے عرض کی: یا رسول اللہ! کون شخص اس کی طاقت رکھتا ہے؟ نبی اکرم صلی اللہ علیہ وسلم نے ارشاد فرمایا: وہ تھوک جو تم مسجد میں دیکھتے ہو اور پھر اسے دفن کر دیتے ہو یا وہ (تکلیف دہ) چیز جسے تم راستے سے ہٹا دیتے ہو (یہ صدقہ ہے) اور اگر تمہیں یہ چیز نہیں ملتی، تو چاشت کے وقت ادا کی جانے والی دو رکعات تمہارے لئے کافی ہوں گی ۔“ (امام ابن حبان رحمہ اللہ فرماتے ہیں:) یہ وہ حدیث ہے جسے نقل کرنے میں اہل مرد اور اہل بصرہ منفرد ہیں۔