صحیح ابن حبان

عمرو بن دینار بیان کرتے ہیں۔ انہوں نے سیدنا جابر بن عبداللہ رضی اللہ عنہما کو یہ بیان کرتے ہوئے سنا ہے، جب خانہ کعبہ کی تعمیر کی گئی تو نبی اکرم صلی اللہ علیہ وسلم اور سیدنا عباس رضی اللہ عنہ پتھر منتقل کر رہے تھے۔ سیدنا عباس رضی اللہ عنہ نے نبی اکرم صلی اللہ علیہ وسلم سے کہا: آپ اپنا تہبند اپنے کندھے پر رکھ لیں تاکہ پتھر سے بچاؤ ہو جائے۔ راوی کہتے ہیں نبی اکرم صلی اللہ علیہ وسلم نے ایسا ہی کیا، تو آپ زمین پر گر گئے۔ آپ کی آنکھیں آسمان کی طرف چڑھ گئی پھر آپ کھڑے ہوئے اور آپ نے فرمایا: میرا تہبند میرا تہبند پھر آپ نے اپنا تہبند باندھ لیا۔