صحیح ابن حبان

سیدنا ابوہریرہ رضی اللہ عنہ بیان کرتے ہیں: ایک شخص نبی اکرم صلی اللہ علیہ وسلم کی خدمت میں حاضر ہوا اس نے عرض کی: یا رسول اللہ! رات اور دن کی گھڑیوں میں سے کون سی گھڑی ایسی ہے، جس کے بارے میں آپ مجھے یہ حکم دیتے ہیں، میں ان میں نماز ادا نہ کروں تو نبی اکرم صلی اللہ علیہ وسلم نے ارشاد فرمایا: جب تم صبح کی نماز ادا کر لو تو نماز ادا کرنے سے رک جاؤ یہاں تک کہ سورج بلند ہو جائے، کیونکہ یہ شیطان کے دو سینگوں کے درمیان طلوع ہوتا ہے، پھر اس کے بعد نماز میں (فرشتوں کی) حاضری بھی ہوتی ہے، اور وہ قبول بھی ہوتی ہے، یہاں تک نصف النہار ہو جائے جب نصف النہار ہو جائے، تو نماز ادا کرنے سے رک جاؤ یہاں تک کہ سورج ڈھل جائے یہ وہ وقت ہے، جس میں جہنم کو بھڑکایا جاتا ہے، اور گرمی کی شدت جہنم کی تپش کا حصہ ہے۔ جب سورج ڈھل جائے، تم نماز میں (فرشتوں کی) حاضری بھی ہوتی ہے، اور وہ قبول بھی ہوتی ہے، یہاں تک کہ تم عصر کی نماز ادا کر لو جب تم عصر کی نماز ادا کر لو تو نماز ادا کرنے سے رک جاؤ یہاں تک کہ سورج غروب ہو جائے، کیونکہ وہ شیطان کے دو سینگوں کے درمیان غروب ہوتا ہے، پھر اس کے بعد نماز میں (فرشتوں کی) حاضری بھی ہوتی ہے، اور وہ قبول بھی ہوتی ہے، یہاں تک کہ تم صبح کی نماز ادا کرو۔