صحیح ابن حبان

سیدنا ابی بن کعب رضی اللہ عنہ بیان کرتے ہیں: پانی کے نتیجہ میں پانی (یعنی منی کے خروج کی صورت میں غسل لازم ہونے کا حکم) ابتداء اسلام میں رخصت تھی، پھر اس سے منع کر دیا گیا۔ (امام ابن حبان رحمہ اللہ فرماتے ہیں:) یہ روایت معمر نے زہری کے حوالے سے نقل کی ہے، جسے غندر نے نقل کیا ہے۔ وہ یہ کہتے ہیں، سیدنا سہل بن سعد رضی اللہ عنہ نے مجھے حدیث بیان کی ہے۔ یہی روایت عمرو بن خالد نے زہری کے حوالے سے نقل کی ہے۔ اس میں وہ یہ کہتے ہیں۔ مجھے اس شخص نے وہ حدیث بیان کی ہے جس سے میں راضی ہوں اور اس نے سیدنا سہل بن سعد کے حوالے سے یہ روایت نقل کی ہے۔ تو اس بات کا امکان موجود ہے، زہری نے یہ روایت سیدنا سہل بن سعد سے خود سنی ہو جیسا کہ غندر نے یہ بات بیان کی ہے، اور زہری نے یہ روایت کسی ایسے شخص سے سنی ہو، جس سے وہ راضی تھے اور اس شخص کے حوالے سے سیدنا سہل بن سعد سے سنی ہو۔ تو ایک مرتبہ انہوں نے سیدنا سہل بن سعد کے حوالے سے اسے نقل کر دی ہو اور دوسری مرتبہ اس شخص کے حوالے سے سیدنا سہل بن سعد سے نقل کیا جس سے وہ راضی تھے۔ میں نے اس روایت کے طرق کی تحقیق کی کہ مجھے کوئی ایسا شخص مل جائے جس نے اس روایت کو سیدنا سہل بن سعد کے حوالے سے نقل کیا ہو، تو مجھے دنیا میں کوئی ایسا شخص نہیں ملا صرف ابوحازم ایسا شخص ہے، تو اس بات کا امکان موجود ہے، وہ شخص جس کے بارے میں زہری نے کہا: تھا۔ مجھے اس شخص نے وہ حدیث بیان کی ہے، جس سے میں راضی ہوں۔ اس نے سیدنا سہل بن سعد کے حوالے سے یہ حدیث بیان کی ہے، تو وہ شخص ابوحازم ہو، جس نے سیدنا سہل کے حوالے سے یہ روایت نقل کی ہو۔