کتب حدیث ›
صحیح ابن حبان › ابواب
› باب: وضو کو توڑنے والی چیزوں کا بیان - دوسری خبر کا ذکر جو ہمارے بیان کردہ کی صحت کو واضح کرتی ہے
حدیث نمبر: 1157
أَخْبَرَنَا عُمَرُ بْنُ مُحَمَّدٍ الْهَمْدَانِيُّ ، قَالَ : حَدَّثَنَا بُنْدَارٌ ، قَالَ : حَدَّثَنَا عَبْدُ الرَّحْمَنِ بْنُ مَهْدِيٍّ ، قَالَ : حَدَّثَنَا زَائِدَةُ ، وَإِسْرَائِيلُ ، عَنْ أَشْعَثَ بْنِ أَبِي الشَّعْثَاءِ ، عَنْ جَعْفَرِ بْنِ أَبِي ثَوْرٍ ، عَنْ جَابِرِ بْنِ سَمُرَةَ ، قَالَ : سُئِلَ رَسُولُ اللَّهِ صَلَّى اللَّهُ عَلَيْهِ وَسَلَّمَ عَنِ الْوُضُوءِ مِنْ لُحُومِ الْغَنَمِ ، فَقَالَ : " تَوَضَّأْ إِنْ شِئْتَ " . وَسُئِلَ عَنِ الصَّلاةِ فِي مَرَابِضِ الْغَنَمِ ، فَقَالَ : " صَلِّ إِنْ شِئْتَ " . وَسُئِلَ عَنِ الْوُضُوءِ مِنْ لُحُومِ الإِبِلِ ، فَقَالَ : " تَوَضَّأْ " . وَسُئِلَ عَنِ الصَّلاةِ فِي مَبَاتِ الإِبِلِ ، فَقَالَ : " لا تُصَلِّ " .
سیدنا جابر بن سمرہ رضی اللہ عنہ بیان کرتے ہیں: نبی اکرم صلی اللہ علیہ وسلم سے بکری کا گوشت کھانے کے بعد وضو کرنے کا حکم دریافت کیا گیا، تو نبی اکرم صلی اللہ علیہ وسلم نے فرمایا: اگر تم چاہو، تو وضو کر لو آپ سے بکریوں کے باڑے میں نماز ادا کرنے کے بارے میں پوچھا: گیا، تو آپ نے ارشاد فرمایا: اگر تم چاہو، تو (وہاں) نماز ادا کر لو۔ آپ سے اونٹ کا گوشت کھا کر وضو کرنے کے بارے میں دریافت کیا گیا، تو آپ نے ارشاد فرمایا: تم وضو کرو آپ سے اونٹوں کے باڑے میں نماز ادا کرنے کے بارے میں دریافت کیا گیا، تو آپ نے ارشاد فرمایا: تم اس (جگہ) پر نماز ادا نہ کرو۔