صحیح ابن حبان

مصعب بن سعد بن ابی وقاص اپنے والد کا یہ بیان نقل کرے ہیں: نبی اکرم صلی اللہ علیہ وسلم ہمیں ان کلمات کی اس طرح تعلیم دیا کرتے تھے، جس طرح کتابت کی تعلیم دی جاتی ہے۔ ” اے اللہ! میں بخل سے تیری پناہ مانگتا ہوں اور بزدلی سے تیری پناہ مانگتا ہوں اور اس بات سے تیری پناہ مانگتا ہوں کہ مجھے رذیل ترین عمر کی طرف لوٹایا جائے اور میں دنیا کی آزمائش اور قبر کے عذاب سے تیری پناہ مانگتا ہوں ۔“