صحیح ابن حبان

عامر شعبی، مدینہ منورہ کے واعظ ابن ابوسائب کا یہ بیان نقل کرتے ہیں: سیدہ عائشہ رضی اللہ عنہ نے فرمایا: تم ہفتے میں ایک مرتبہ وعظ کیا کرو اگر یہ بات نہیں مانتے، تو دو مرتبہ کر لیا کرو اور اگر یہ بھی نہیں مانتے، تو تین مرتبہ کر لیا کرو۔ میں تمہیں ایسی حالت میں نہ پاؤں کہ تم لوگوں کے پاس آؤ اور وہ اپنی بات چیت میں مگن ہوں، اور پھر تم ان کی بات کو منقطع کر دو۔ ہونا یہ چاہئے کہ وہ لوگ غور سے تمہاری بات سنیں، تو تم ان کے ساتھ بات چیت کرو اور دعا مانگتے ہوئے مقفع اور مسجع الفاظ استعمال کرنے سے اجتناب کرو کیونکہ میں نے نبی اکرم صلی اللہ علیہ وسلم اور آپ کے اصحاب کو دیکھا ہے، وہ اس بات کو ناپسند کرتے تھے۔