صحیح ابن حبان

سیدنا ابوموسیٰ اشعری رضی اللہ عنہ کے صاحبزادے اپنے والد کا یہ بیان نقل کرتے ہیں: نبی اکرم صلی اللہ علیہ وسلم یہ دعا مانگا کرتے تھے۔ ” اے اللہ! میری خطاؤں، میرے جہل، میرے اپنے معاملے میں اسراف کے حوالے سے میری مغفرت کر دے اور ہر چیز کے بارے میں بھی جسے تو مجھ سے زیادہ جانتا ہے اے اللہ! میری خطاؤں میرے جان بوجھ کر کئے گئے اعمال میرے عمد، میرے جہل میری سنجیدگی اور میرے مذاق اور ہر وہ چیز جو میری طرف سے ہوئی ہے اس کی مغفرت کر دے۔ اے اللہ! جو میں نے پہلے کیا ہے، جو بعد میں کروں گا، جو پوشیدہ طور پر کیا، جو اعلانیہ کیا۔ اس کے حوالے سے میری مغفرت کر دے، بے شک تو آگے کرنے والا ہے اور تو ہی پیچھے کرنے والا ہے اور تو ہر چیز پر قدرت رکھتا ہے۔ “